Κυριακή Γ’ των Μυροφόρoν

Άγιοι, εορταί, και Αναγνώσεις – Κυριακή, 4 Μαίου 2025
Άγιοι και εορταί: Κυριακή Γ’ των Μυροφόρoν; Πελαγία, Μάρτυς; Ιλάριος ο Θαυματουργός; Ευθήμιος, επίσκοπος του Μαδύτου; Οσίων Αθανασίου επισκόπου Κορίνθου
Ανάγνωσις Ευαγγελίου Όρθρου: Κατά Λουκάν 24:1-12
Τη μιά των Σαββάτων, όρθρου βαθέος ήλθον επί το μνήμα, φέρουσαι ά ητοίμασαν αρώματα, καί τινες σύν αυταίς. Εύρον δε τον λίθον αποκεκυλισμένον από του μνημείου, και εισελθούσαι ουχ εύρον το σώμα του Κυρίου Ιησού. Και εγένετο εν τω διαπορείσθαι αυτάς περί τούτου, και Ιδού, δύο άνδρες επέστησαν αυταίς εν εσθήσεσιν αστραπτούσαις· εμφόβων δε γενομένων αυτών και κλινουσών τα πρόσωπον εις την γήν, είπον πρός αυτάς· Τί ζητείτε τον ζώντα μετά των νεκρών; ουκ έστιν ώδε, αλλ’ ηγέρθη. Μνήσθητε ως ελάλησεν υμίν, έτι ών εν τη Γαλιλαία, λέγων, ότι δεί τον υιόν του ανθρώπου παραδοθήναι εις χείρας ανθρώπων αμαρτωλών, και σταυρωθήναι, και τη τρίτη ημέρα αναστήναι. Και εμνήσθησαν των ρημάτων αυτού, και υποστρέψασαι από του μνημείου, απήγγειλαν ταύτα πάντα τοις ένδεκα και πάσι τοις λοιποίς. Ήσαν δε η Μαγδαληνή Μαρία και Ιωάννα και Μαρία Ιακώβου, και αι λοιπαί σύν αυταίς, αί έλεγον πρός τους αποστόλους ταύτα. Και εφάνησαν ενώπιον αυτών ωσεί λήρος τα ρήματα αυτών, και ηπίστουν αυταίς, ο δε Πέτρος αναστάς έδραμεν επί το μνημείον, και παρακύψας βλέπει τα οθόνια κείμενα μόνα, και απήλθε, πρός εαυτόν θαυμάζων το γεγονός.
Ανάγνωσις Επιστολής: Πράξ. 6:1-7
Εν ταις ημεραίς εκείναις, πληθυνόντων των μαθητών, εγένετο γογγυσμός των Ελληνιστών πρός τους Εβραίους, ότι παρεθεωρούντο εν τη διακονία τη καθημερινή αι χήραι αυτών. Προσκαλεσάμενοι δε οι δώδεκα το πλήθος των μαθητών, είπον, Ουκ αρεστόν εστιν ημάς, καταλείψαντας τον λόγον του θεού, διακονείν τραπέζαις. Επισκέψασθε ούν, αδελφοί, άνδρας εξ υμών μαρτυρουμένους επτά, πλήρεις πνεύματος αγίου και σοφίας, ούς καταστήσωμεν επί της χρείας ταύτης. Ημείς δε τη προσευχή και τη διακονία του λόγου προσκαρτερήσομεν. Και ήρεσεν ο λόγος ενώπιον παντός του πλήθους· και εξελέξαντο Στέφανον, άνδρα πλήρης πίστεως και πνεύματος αγίου, και Φίλιππον, και Πρόχορον, και Νικάνορα, και Τίμωνα, και Παρμενάν, και Νικόλαον προσήλυτον Αντιοχέα, ούς έστησαν ενώπιον των αποστόλων· και προσευξάμενοι επέθηκαν αυτοίς τάς χείρας. Και ο λόγος του θεού ηύξανεν, και επληθύνετο ο αριθμός των μαθητών εν Ιερουσαλήμ σφόδρα, πολύς τε όχλος των ιερέων υπήκουον τη πίστει.
Ανάγνωσις Ευαγγελίου: Κατά Μάρκον 15:43-47, 16:1-8
Τω καιρώ εκείνω, ελθών Ιωσήφ ο από Αριμαθαίας, ευσχήμων βουλευτής, ός και αυτός ήν προσδεχόμενος την βασιλείαν του Θεού, τολμήσας εισήλθε πρός Πιλάτον και ᾐτήσατο το σώμα του Ιησού. Ο δε Πιλάτος εθαύμασεν ει ήδη τέθνηκε, και προσκαλεσάμενος τον κεντυρίωνα επηρώτησεν αυτόν ει πάλαι απέθανε· και γνούς από του κεντυρίωνος εδωρήσατο το σώμα τω Ιωσήφ. Και αγοράσας σινδόνα και καθελών αυτόν ενείλησε τη σινδόνι και κατέθηκεν αυτόν εν μνημείω, ό ήν λελατομημένον εκ πέτρας, και προσεκύλισε λίθον επί την θύραν του μνημείου. Η δε Μαρία η Μαγδαληνή και Μαρία Ιωσή εθεώρουν πού τίθεται. Και διαγενομένου του σαββάτου Μαρία η Μαγδαληνή και Μαρία η του Ιακώβου και Σαλώμη ηγόρασαν αρώματα ίνα ελθούσαι αλείψωσιν αυτόν. Και λίαν πρωῒ της μιάς σαββάτων έρχονται επί το μνημείον, ανατείλαντος του ηλίου. Και έλεγον πρός εαυτάς· Τις αποκυλίσει ημίν τον λίθον εκ της θύρας του μνημείου; Και αναβλέψασαι θεωρούσιν ότι αποκεκύλισται ο λίθος· ήν γαρ μέγας σφόδρα. Και εισελθούσαι εις το μνημείον είδον νεανίσκον καθήμενον εν τοις δεξιοίς, περιβεβλημένον στολήν λευκήν, και εξεθαμβήθησαν. Ο δε λέγει αυταίς· μή εκθαμβείσθε· Ιησούν ζητείτε τον Ναζαρηνόν τον εσταυρωμένον· ηγέρθη, ουκ έστιν ώδε· ίδε ο τόπος όπου έθηκαν αυτόν. Αλλ᾿ υπάγετε είπατε τοις μαθηταίς αυτού και τω Πέτρω ότι προάγει υμάς εις την Γαλιλαίαν· εκεί αυτόν όψεσθε, καθώς είπεν υμίν. Και εξελθούσαι έφυγον από του μνημείου· είχε δε αυτάς τρόμος και έκστασις, και ουδενί ουδέν είπον· εφοβούντο γάρ.