Σάββατον Διακαινήσιμου

Άγιοι, εορταί, και Αναγνώσεις – Σάββατο, 26 Απριλίου 2025
Άγιοι και εορταί: Σάββατον Διακαινήσιμου; Βασίλειος, Επίσκοπος Αμασείας; Αγία Γλαφύρα; Οσία Ιούστα
Κατάλυσις Πάντων
Ανάγνωσις Επιστολής: Πράξ. 3:11-16
Εν ταις ημεραίς εκείναις, Κρατούντος δε του ιαθέντος χωλού τον Πέτρον και Ιωάννην, συνέδραμεν πρός αυτούς πάς ο λαός επί τη στοά τη καλουμένη Σολομώντος, έκθαμβοι. Ιδών δε Πέτρος απεκρίνατο πρός τον λαόν, Άνδρες Ισραηλίται, τί θαυμάζετε επί τούτω, ή ημίν τί ατενίζετε, ως ιδία δυνάμει ή ευσεβεία πεποιηκόσιν του περιπατείν αυτόν; Ο θεός Αβραάμ και Ισαάκ και Ιακώβ, ο θεός των πατέρων ημών, εδόξασεν τον παίδα αυτού Ιησούν· όν υμείς μέν παρεδώκατε, και ηρνήσασθε αυτόνN κατά πρόσωπον Πιλάτου, κρίναντος εκείνου απολύειν. Υμείς δε τον άγιον και δίκαιον ηρνήσασθε, και ᾐτήσασθε άνδρα φονέα χαρισθήναι υμίν, τον δε αρχηγόν της ζωής απεκτείνατε· όν ο θεός ήγειρεν εκ νεκρών, ού ημείς μάρτυρές εσμεν. Και επί τη πίστει του ονόματος αυτού, τούτον όν θεωρείτε και οίδατε εστερέωσεν το όνομα αυτού· και η πίστις η διʼ αυτού έδωκεν αυτώ την ολοκληρίαν ταύτην απέναντι πάντων υμών.
Ανάγνωσις Ευαγγελίου: Κατά Ιωάννην 3:22-33
Τω καιρώ εκείνω, ήλθεν ο Ιησούς και οι μαθηταί αυτού εις την Ιουδαίαν γήν, και εκεί διέτριβε μετ᾽ αυτών και εβάπτιζεν. Ήν δε και Ιωάννης βαπτίζων εν Αινών εγγύς του Σαλείμ, ότι ύδατα πολλά ήν εκεί, και παρεγίνοντο και εβαπτίζοντο· ούπω γαρ ήν βεβλημένος εις την φυλακήν ο Ιωάννης. Εγένετο ούν ζήτησις εκ των μαθητών Ιωάννου μετά Ιουδαίου περί καθαρισμού. Και ήλθον πρός τον Ιωάννην και είπον αυτώ· Ῥαββί, ός ήν μετά σού πέραν του Ιορδάνου, ώ σύ μεμαρτύρηκας, ίδε ούτος βαπτίζει και πάντες έρχονται πρός αυτόν. Απεκρίθη Ιωάννης και είπεν· Ου δύναται άνθρωπος λαμβάνειν ουδέν, εάν μή ᾖ δεδομένον αυτώ εκ του ουρανού. Αυτοί υμείς μοι μαρτυρείτε ότι είπον· Ουκ ειμί εγώ ο Χριστός, αλλ᾽ ότι απεσταλμένος ειμί έμπροσθεν εκείνου. Ο έχων την νύμφην νυμφίος εστίν· ο δε φίλος του νυμφίου, ο εστηκώς και ακούων αυτού, χαρά χαίρει διά την φωνήν του νυμφίου. Αύτη ούν η χαρά η εμή πεπλήρωται. Εκείνον δεί αυξάνειν, εμέ δε ελαττούσθαι. Ο άνωθεν ερχόμενος επάνω πάντων εστίν. Ο ών εκ της γής εκ της γής εστι και εκ της γής λαλεί· ο εκ του ουρανού ερχόμενος επάνω πάντων εστί, καί ό εώρακε και ήκουσε, τούτο μαρτυρεί, και την μαρτυρίαν αυτού ουδείς λαμβάνει. Ο λαβών αυτού την μαρτυρίαν εσφράγισεν ότι ο Θεός αληθής εστιν.