Μαρία η Μαγδαληνή

Άγιοι, εορταί, και Αναγνώσεις – Τρίτη, 22 Ιουλίου 2025
Άγιοι και εορταί: Μαρία η Μαγδαληνή; Παρθενομάρτυρος Μαρκέλλης της Χιοπολίτιδος
Ανάγνωσις Επιστολής: Α’ Κορινθ. 9:2-12
Αδελφοί, η σφραγίς της εμής αποστολής υμείς εστε εν κυρίω. Η εμή απολογία τοις εμέ ανακρίνουσιν αύτη εστίν. Μή ουκ έχομεν εξουσίαν φαγείν και πιείν; Μή ουκ έχομεν εξουσίαν αδελφήν γυναίκα περιάγειν, ως και οι λοιποί απόστολοι, και οι αδελφοί του κυρίου, και Κηφάς; Ή μόνος εγώ και Βαρνάβας ουκ έχομεν εξουσίαν του μή εργάζεσθαι; Τις στρατεύεται ιδίοις οψωνίοις ποτέ; Τις φυτεύει αμπελώνα, και εκ του καρπού αυτού ουκ εσθίει; Ή τις ποιμαίνει ποίμνην, και εκ του γάλακτος της ποίμνης ουκ εσθίει; Μή κατά άνθρωπον ταύτα λαλώ; Ή ουχί και ο νόμος ταύτα λέγει; Εν γαρ τω Μωϋσέως νόμω γέγραπται, Ου φιμώσεις βούν αλοώντα. Μή των βοών μέλει τω θεώ; Ή διʼ ημάς πάντως λέγει; Διʼ ημάς γαρ εγράφη, ότι επʼ ελπίδι οφείλει ο αροτριών αροτριάν, και ο αλοών της ελπίδος αυτού μετέχειν επʼ ελπίδι. Ει ημείς υμίν τα πνευματικά εσπείραμεν, μέγα ει ημείς υμών τα σαρκικά θερίσομεν; Ει άλλοι της εξουσίας υμών μετέχουσιν, ου μάλλον ημείς; Αλλʼ ουκ εχρησάμεθα τη εξουσία ταύτη, αλλά πάντα στέγομεν, ίνα μή εγκοπήν τινα δώμεν τω ευαγγελίω του Χριστού.
Ανάγνωσις Ευαγγελίου: Κατά Λουκάν 8:1-3
Τω καιρώ εκείνω, επορεύετο ο Ιησούς κατά πόλιν και κώμην κηρύσσων και ευαγγελιζόμενος την βασιλείαν του Θεού, και οι δώδεκα σύν αυτώ, και γυναίκές τινες αί ήσαν τεθεραπευμέναι από νόσων και μαστίγων και πνευμάτων πονηρών και ασθενειών, Μαρία η καλουμένη Μαγδαληνή, αφ᾿ ής δαιμόνια επτά εξεληλύθει, και ᾿Ιωάννα γυνή Χουζά επιτρόπου ῾Ηρῴδου, και Σουσάννα και έτεραι πολλαί, αίτινες διηκόνουν αυτώ από των υπαρχόντων αυταίς.