Προεόρτος της Πρόοδου του Τιμίου Σταυρού

Άγιοι, εορταί, και Αναγνώσεις – Πέμπτη, 31 Ιουλίου 2025
Άγιοι και εορταί: Προεόρτος της Πρόοδου του Τιμίου Σταυρού; Οσιομάρτυρος Διονύσιος ο Βατοπαιδινός; Ιωσήφ ο από Αριμαθαίας; Δικαίου Ευδοκίμου
Ανάγνωσις Επιστολής: Α’ Κορινθ. 10:28-33, 11:1-8
Αδελφοί, εάν δε τις υμίν είπη, Τούτο ειδωλόθυτόν εστιν, μή εσθίετε διʼ εκείνον τον μηνύσαντα και την συνείδησιν· Του γαρ κυρίου η γή και το πλήρωμα αυτής. Συνείδησιν δε λέγω, ουχί την εαυτού, αλλά την του ετέρου· ίνα τί γαρ η ελευθερία μου κρίνεται υπό άλλης συνειδήσεως; Ει εγώ χάριτι μετέχω, τί βλασφημούμαι υπέρ ού εγώ ευχαριστώ; Είτε ούν εσθίετε, είτε πίνετε, είτε τι ποιείτε, πάντα εις δόξαν θεού ποιείτε. Απρόσκοποι γίνεσθε και Ιουδαίοις και Έλλησιν και τη εκκλησία του θεού· καθώς καγώ πάντα πάσιν αρέσκω, μή ζητών το εμαυτού συμφέρον, αλλά το των πολλών, ίνα σωθώσιν. Μιμηταί μου γίνεσθε, καθώς καγώ Χριστού. Επαινώ δε υμάς, αδελφοί, ότι πάντα μου μέμνησθε, και καθώς παρέδωκα υμίν τάς παραδόσεις κατέχετε. Θέλω δε υμάς ειδέναι, ότι παντός ανδρός η κεφαλή ο Χριστός εστιν· κεφαλή δε γυναικός, ο ανήρ· κεφαλή δε Χριστού, ο θεός. Πάς ανήρ προσευχόμενος ή προφητεύων, κατά κεφαλής έχων, καταισχύνει την κεφαλήν αυτού. Πάσα δε γυνή προσευχομένη ή προφητεύουσα ακατακαλύπτω τη κεφαλή, καταισχύνει την κεφαλήν εαυτής· έν γαρ εστιν και το αυτό τη εξυρημένη. Ει γαρ ου κατακαλύπτεται γυνή, και κειράσθω· ει δε αισχρόν γυναικί το κείρασθαι ή ξυράσθαι, κατακαλυπτέσθω. Ανήρ μέν γαρ ουκ οφείλει κατακαλύπτεσθαι την κεφαλήν, εικών και δόξα θεού υπάρχων· γυνή δε δόξα ανδρός εστιν. Ου γαρ εστιν ανήρ εκ γυναικός, αλλά γυνή εξ ανδρός·
Ανάγνωσις Ευαγγελίου: Κατά Ματθαίον 16:24-28
Είπεν ο Κυριος τοις εαυτού μαθηταίς· Ει τις θέλει οπίσω μου ελθείν, απαρνησάσθω εαυτόν και αράτω τον σταυρόν αυτού και ακολουθείτω μοι. ός γαρ άν θέλη την ψυχήν αυτού σώσαι, απολέσει αυτήν· ός δ᾿ άν απολέση την ψυχήν αυτού ένεκεν εμού, ευρήσει αυτήν. τί γαρ ωφελείται άνθρωπος εάν τον κόσμον όλον κερδήση, την δε ψυχήν αυτού ζημιωθή; ή τί δώσει άνθρωπος αντάλλαγμα της ψυχής αυτού; μέλλει γαρ ο υιός του ανθρώπου έρχεσθαι εν τη δόξη του πατρός αυτού μετά των αγγέλων αυτού, και τότε αποδώσει εκάστω κατά την πράξιν αυτού. αμήν λέγω υμίν, εισί τινες των ώδε εστηκότων, οίτινες ου μή γεύσωνται θανάτου έως άν ίδωσι τον υιόν του ανθρώπου ερχόμενον εν τη βασιλεία αυτού.