Η Μεταμόρφωσις του Κυρίου Ημών Ιησού Χριστού

Άγιοι, εορταί, και Αναγνώσεις – Τετάρτη, 6 Αυγούστου 2025
Άγιοι και εορταί: Η Μεταμόρφωσις του Κυρίου Ημών Ιησού Χριστού
Ημέρα Νηστείας (Κατάλυσις ιχθύος, ελαίου και οίνου)
Ανάγνωσις Ευαγγελίου Όρθρου: Κατά Λουκάν 9:28-36
᾿Εγένετο δε μετά τους λόγους τούτους ωσεί ημέραι οκτώ και παραλαβών τον Πέτρον και ᾿Ιωάννην και ᾿Ιάκωβον ανέβη εις το όρος προσεύξασθαι. καί εγένετο εν τω προσεύχεσθαι αυτόν το είδος του προσώπου αυτού έτερον και ο ιματισμός αυτού λευκός εξαστράπτων. καί ιδού άνδρες δύο συνελάλουν αυτώ, οίτινες ήσαν Μωϋσής και ᾿Ηλίας, οί οφθέντες εν δόξη έλεγον την έξοδον αυτού ήν έμελλε πληρούν εν ῾Ιερουσαλήμ. ο δε Πέτρος και οι σύν αυτώ ήσαν βεβαρημένοι ύπνω· διαγρηγορήσαντες δε είδον την δόξαν αυτού και τους δύο άνδρας τους συνεστώτας αυτώ. καί εγένετο εν τω διαχωρίζεσθαι αυτούς απ᾿ αυτού είπεν ο Πέτρος πρός τον ᾿Ιησούν· επιστάτα, καλόν εστιν ημάς ώδε είναι· και ποιήσωμεν σκηνάς τρείς, μίαν σοί και μίαν Μωϋσεί και μίαν ᾿Ηλία, μή ειδώς ό λέγει. ταύτα δε αυτού λέγοντος εγένετο νεφέλη και επεσκίασεν αυτούς· εφοβήθησαν δε εν τω εισελθείν εκείνους εις την νεφέλην· καί φωνή εγένετο εκ της νεφέλης λέγουσα· ούτός εστιν ο υιός μου ο αγαπητός· αυτού ακούετε. καί εν τω γενέσθαι την φωνήν ευρέθη ο ᾿Ιησούς μόνος. και αυτοί εσίγησαν και ουδενί απήγγειλαν εν εκείναις ταις ημέραις ουδέν ών εωράκασιν.
Ανάγνωσις Επιστολής: Β’ Πέτρ. 1:10-19
Αδελφοί, σπουδάσατε βεβαίαν υμών την κλήσιν και εκλογήν ποιείσθαι· ταύτα γαρ ποιούντες ου μή πταίσητέ ποτε· ούτως γαρ πλουσίως επιχορηγηθήσεται υμίν η είσοδος εις την αιώνιον βασιλείαν του κυρίου ημών και σωτήρος Ιησού Χριστού. Διό ουκ αμελήσω αεί υμάς υπομιμνῄσκειν περί τούτων, καίπερ ειδότας, και εστηριγμένους εν τη παρούση αληθεία. Δίκαιον δε ηγούμαι, εφʼ όσον ειμί εν τούτω τω σκηνώματι, διεγείρειν υμάς εν υπομνήσει· ειδώς ότι ταχινή εστιν η απόθεσις του σκηνώματός μου, καθώς και ο κύριος ημών Ιησούς Χριστός εδήλωσέν μοι. Σπουδάσω δε και εκάστοτε έχειν υμάς μετά την εμήν έξοδον την τούτων μνήμην ποιείσθαι. Ου γαρ σεσοφισμένοις μύθοις εξακολουθήσαντες εγνωρίσαμεν υμίν την του κυρίου ημών Ιησού Χριστού δύναμιν και παρουσίαν, αλλʼ επόπται γενηθέντες της εκείνου μεγαλειότητος. Λαβών γαρ παρά θεού πατρός τιμήν και δόξαν, φωνής ενεχθείσης αυτώ τοιάσδε υπό της μεγαλοπρεπούς δόξης, Ούτός εστιν ο υιός μου ο αγαπητός, εις όν εγώ ευδόκησα· και ταύτην την φωνήν ημείς ηκούσαμεν εξ ουρανού ενεχθείσαν, σύν αυτώ όντες εν τω όρει τω αγίω. Και έχομεν βεβαιότερον τον προφητικόν λόγον, ώ καλώς ποιείτε προσέχοντες, ως λύχνω φαίνοντι εν αυχμηρώ τόπω, έως ού ημέρα διαυγάση, και φωσφόρος ανατείλη εν ταις καρδίαις υμών.
Ανάγνωσις Ευαγγελίου: Κατά Ματθαίον 17:1-9
Τω καιρώ εκείνω, παραλαμβάνει ο ᾿Ιησούς τον Πέτρον και ᾿Ιάκωβον και ᾿Ιωάννην τον αδελφόν αυτού και αναφέρει αυτούς εις όρος υψηλόν κατ᾿ ιδίαν· καί μετεμορφώθη έμπροσθεν αυτών, και έλαμψε το πρόσωπον αυτού ως ο ήλιος, τα δε ιμάτια αυτού εγένετο λευκά ως το φώς. καί ιδού ώφθησαν αυτοίς Μωσής και ᾿Ηλίας μετ᾿ αυτού συλλαλούντες. αποκριθείς δε ο Πέτρος είπε τω ᾿Ιησού· Κύριε, καλόν εστιν ημάς ώδε είναι· ει θέλεις, ποιήσωμεν ώδε τρείς σκηνάς, σοί μίαν και Μωσεί μίαν και μίαν ᾿Ηλία. έτι αυτού λαλούντος ιδού νεφέλη φωτεινή επεσκίασεν αυτούς, και ιδού φωνή εκ της νεφέλης λέγουσα· ούτός εστιν ο υιός μου ο αγαπητός, εν ώ ευδόκησα· αυτού ακούετε· καί ακούσαντες οι μαθηταί έπεσον επί πρόσωπον αυτών και εφοβήθησαν σφόδρα. καί προσελθών ο ᾿Ιησούς ήψατο αυτών και είπεν· εγέρθητε και μή φοβείσθε. επάραντες δε τους οφθαλμούς αυτών ουδένα είδον ει μή τον ᾿Ιησούν μόνον. καί καταβαινόντων αυτών από του όρους ενετείλατο αυτοίς ο ᾿Ιησούς λέγων· μηδενί είπητε το όραμα έως ού ο υιός του ανθρώπου εκ νεκρών αναστή.