Ανδρέας Στρατηλάτης, Μεγαλομάρτυς και των σύν αυτώ 2593

Άγιοι, εορταί, και Αναγνώσεις – Τρίτη, 19 Αυγούστου 2025
Άγιοι και εορταί: Ανδρέας Στρατηλάτης, Μεγαλομάρτυς και των σύν αυτώ 2593; Τιμόθεος, Αγάπιος και θέκλα; Θεοφάνης ο Νέος; Μεθεόρτια της Κοιμήσεως; Ευτυχιανός και Στρατήγιος οι Μάρτυρες
Ανάγνωσις Επιστολής: Β’ Κορινθ. 2:14-17, 3:1-3
Αδελφοί, τω δε θεώ χάρις τω πάντοτε θριαμβεύοντι ημάς εν τω Χριστώ, και την οσμήν της γνώσεως αυτού φανερούντι διʼ ημών εν παντί τόπω. Ότι Χριστού ευωδία εσμέν τω θεώ εν τοις σωζομένοις και εν τοις απολλυμένοις· οίς μέν οσμή θανάτου εις θάνατον, οίς δε οσμή ζωής εις ζωήν. Και πρός ταύτα τις ικανός; Ου γαρ εσμεν ως οι λοιποί, καπηλεύοντες τον λόγον του θεού· αλλʼ ως εξ ειλικρινείας, αλλʼ ως εκ θεού, κατενώπιον του θεού, εν Χριστώ λαλούμεν. Αρχόμεθα πάλιν εαυτούς συνιστάνειν; Ει μή χρῄζομεν, ώς τινες, συστατικών επιστολών πρός υμάς, ή εξ υμών συστατικών; Η επιστολή ημών υμείς εστέ, εγγεγραμμένη εν ταις καρδίαις ημών, γινωσκομένη και αναγινωσκομένη υπό πάντων ανθρώπων· φανερούμενοι ότι εστέ επιστολή Χριστού διακονηθείσα υφʼ ημών, εγγεγραμμένη ου μέλανι, αλλά πνεύματι θεού ζώντος, ουκ εν πλαξίν λιθίναις, αλλʼ εν πλαξίν καρδίαις σαρκίναις.
Ανάγνωσις Ευαγγελίου: Κατά Ματθαίον 23:23-28
Είπεν ο Κύριος πρός τους εληλυθότας πρός αυτόν Ιουδαίους· Ουαί υμίν, γραμματείς και Φαρισαίοι υποκριταί, ότι αποδεκατούτε το ηδύοσμον και το άνηθον και το κύμινον, και αφήκατε τα βαρύτερα του νόμου, την κρίσιν και τον έλεον και την πίστιν· ταύτα δε έδει ποιήσαι κακείνα μή αφιέναι. οδηγοί τυφλοί, οι διϋλίζοντες τον κώνωπα, την δε κάμηλον καταπίνοντες! Ουαί υμίν, γραμματείς και Φαρισαίοι υποκριταί, ότι καθαρίζετε το έξωθεν του ποτηρίου και της παροψίδος, έσωθεν δε γέμουσιν εξ αρπαγής και αδικίας. Φαρισαίε τυφλέ, καθάρισον πρώτον το εντός του ποτηρίου και της παροψίδος, ίνα γένηται και το εκτός αυτών καθαρόν. Ουαί υμίν, γραμματείς και Φαρισαίοι υποκριταί, ότι παρομοιάζετε τάφοις κεκονιαμένοις, οίτινες έξωθεν μέν φαίνονται ωραίοι, έσωθεν δε γέμουσιν οστέων νεκρών και πάσης ακαθαρσίας.